വിളവെടുപ്പും കാര്‍ഷിക ബോധവത്കരണ സെമിനാറും നടത്തി

 

 

കൊട്ടാരക്കര: ആറ്റുവാശ്ശേരി സ്‌കൂളില്‍ മാതൃഭൂമി സീഡ് ക്ലബിന്റെ നേതൃത്വത്തില്‍ പച്ചക്കറിക്കൃഷി വിളവെടുപ്പും ബോധവത്കരണ സെമിനാറും നടത്തി. വിളവെടുപ്പിന്റെ ഉദ്ഘാടനം വാര്‍ഡ് അംഗം അജി ആറ്റുവാശ്ശേരി നിര്‍വഹിച്ചു. പി.ടി.എ. പ്രസിഡന്റ് കുളക്കട എന്‍.രാധാകൃഷ്ണ പിള്ളയുടെ അധ്യക്ഷതയില്‍ കൃഷി ഓഫീസര്‍ പുഷ്പ ജോസഫ് സെമിനാര്‍ ഉദ്ഘാടനം ചെയ്തു. കൃഷി അസിസ്റ്റന്റുമാരായ ശ്രീലത, ബാബുക്കുട്ടന്‍, അനില്‍കുമാര്‍, സജീവ്, സീഡ് കോഓര്‍ഡിനേറ്റര്‍ രമ്യ എന്നിവര്‍ സംസാരിച്ചു. 

പ്രഥമാധ്യാപകന്‍ രാജീവ് സ്വാഗതവും സ്റ്റാഫ് സെക്രട്ടറി ലാവണ്യ നന്ദിയും പറഞ്ഞു.