ലക്ഷ്മിതരു വിതരണം
Posted By : tcradmin On 2nd February 2015
നടവരമ്പ്: മാതൃഭൂമി സീഡും ആര്‍ട്ട് ഓഫ് ലിവിങ്ങും സംയുക്തമായി നടത്തുന്ന ലക്ഷ്മിതരു പദ്ധതിയുടെ ഭാഗമായി നടവരമ്പ് ഗവ. ഹയര്‍ സെക്കന്‍ഡറി സ്‌കൂളില്‍ വൃക്ഷത്തൈ വിതരണം നടത്തി. ആര്‍ട്ട് ഓഫ് ലിവിങ്ങ് തൃശ്ശൂര്‍ ജില്ലാ കോ-ഓഡിനേറ്റര്‍ നീനു രത്തിന്‍ സീഡ് കോ-ഓര്‍ഡിനേറ്റര്‍ ബിജിക്ക് നല്‍കി വൃക്ഷത്തൈ വിതരണം ഉദ്ഘാടനം ചെയ്തു. ലക്ഷ്മിതരുവിന്റെ വൈവിധ്യങ്ങളായ ഉപയോഗങ്ങളെക്കുറിച്ചും ഭക്ഷണ, വ്യവസായിക, പരിസ്ഥിതി പ്രാധാന്യങ്ങളെ കുറിച്ചും നീനു ക്ലാസെടുത്തു. പ്രവീണ്‍ പോള്‍ സംസാരിച്ചു.