നിര്‍ധന വിദ്യാര്‍ത്ഥികള്‍ക്ക് സൗരോര്‍ജവിളക്കുമായി സീഡ് പ്രവര്‍ത്തകര്‍
Posted By : Seed SPOC, Alappuzha On 20th January 2015
ശ്രീലക്ഷ്മിക്ക് പ്രിന്‍സിപ്പല്‍ എം.സി. അംബികാകുമാരി സൗരോര്‍ജ യൂണിറ്റ് കൈമാറുന്നു
ചെങ്ങന്നൂര്‍: വൈദ്യുതി ഇല്ലാത്ത നിര്‍ധന വിദ്യാര്‍ത്ഥികള്‍ക്ക് സീഡ് പ്രവര്‍ത്തകര്‍ സൗരോര്‍ജവിളക്കുകള്‍ വിതരണം ചെയ്തു. പാണ്ടനാട് എസ്.വി.എച്ച്.എസ്.എസ്സിലെ ഹരിതം സീഡ് ക്ലബ്ബിന്റെ ആഭിമുഖ്യത്തിലാണ് പരിപാടി സംഘടിപ്പിച്ചത്. സ്‌കൂളിലെ ഏഴാം ക്ലാസ്സ് വിദ്യാര്‍ത്ഥിനി ശ്രീലക്ഷ്മിക്ക് പ്രിന്‍സിപ്പല്‍ എം.സി. അംബികാകുമാരി സൗരോര്‍ജ യൂണിറ്റ് കൈമാറി ചടങ്ങ് ഉദ്ഘാടനം ചെയ്തു. സീഡ് പ്രവര്‍ത്തകരോടൊപ്പം ശ്രീലക്ഷ്മിയുടെ വീട്ടിലെത്തിയായിരുന്നു ഇത്. ചടങ്ങിന് സീഡ് ക്ലബ്ബ് കോഓര്‍ഡിനേറ്റര്‍ ആര്‍. രാജേഷ്, പ്രസിഡന്റ് പ്രശാന്ത്, എസ്. വിജയലക്ഷ്മി, പ്രീത, മായാദേവി, ഡി. സജീവ്കുമാര്‍, റിയ എലിസബത്ത് എന്നിവര്‍ നേതൃത്വം നല്‍കി.