തരിശുഭൂമിയില്‍ പൊന്നുവിളയിക്കാന്‍ സീഡ് പ്രവര്‍ത്തകര്‍ കൈകോര്‍ത്തു
Posted By : knradmin On 17th January 2015
ഇരിട്ടി: ഇരിട്ടി ഹയര്‍ സെക്കന്‍ഡറി സ്‌കൂള്‍ സീഡ് ക്ലബ്ബിന്റെ നേതൃത്വത്തില്‍ പച്ചക്കറി നടീല്‍ ഉത്സവം നടത്തി. സ്‌കൂളിലെ തരിശായ സ്ഥലങ്ങളിലെല്ലാം പച്ചക്കറി വിത്തിറക്കി വിഷലിപ്ത പച്ചക്കറിയെ നാട്ടില്‍നിന്നു തുരത്തുന്നതിനുള്ള പ്രവര്‍ത്തനങ്ങള്‍ക്കാണ് കുട്ടികള്‍ തുടക്കംകുറിച്ചത്.
നടീല്‍ ഉത്സവം പി.ടി.എ. പ്രസിഡന്റ് കെ.രാമകൃഷ്ണന്‍ ഉദ്ഘാടനം ചെയ്തു. മദര്‍ പി.ടി.എ. പ്രസിഡന്റ് കെ.വസുമതി, പ്രഥമാധ്യാപിക എന്‍.പ്രീത, മാതൃഭൂമി സീഡ് കോഓര്‍ഡിനേറ്റര്‍ എം.ബാബു എന്നിവര്‍ പ്രസംഗിച്ചു. സീഡ് ക്ലബ്ബിലെ അംഗങ്ങള്‍ നേതൃത്വംനല്‍കി.