ആരുമില്ലാത്തവര്‍ക്ക് ആശംസാ കാര്‍ഡുമായി സീഡ് വിദ്യാര്‍ത്ഥികള്‍
Posted By : tcradmin On 19th December 2014
തൃശ്ശൂര്‍: മാതൃഭൂമി സീഡ് പ്രവര്‍ത്തനത്തിന്റെ ഭാഗമായി അശരണരും നിരാലംബരുമായവര്‍ക്ക് ആശ്വാസമാവുകയാണ് പങ്ങാരപ്പിള്ളി സെന്റ് ജോസഫ്‌സ് യു.പി.സ്‌കൂള്‍ വിദ്യാര്‍ത്ഥികള്‍. സ്വയം നിര്‍മ്മിച്ച ക്രിസ്മസ് കാര്‍ഡുകള്‍ അനാഥാലയത്തിലെയും വൃദ്ധസദനത്തിലെയും അന്തേവാസികള്‍ക്ക് അവരുടെ വ്യക്തിഗത വിലാസത്തില്‍ അയച്ചുകൊടുത്താണ് അവര്‍ ക്രിസ്മസ് ആഘോഷിച്ചത്.
വിദ്യാലയത്തിലെ മുഴുവന്‍ വിദ്യാര്‍ത്ഥികളും അവര്‍ സ്വയം നിര്‍മ്മിച്ച ആശംസാകാര്‍ഡുകള്‍ അദ്ധ്യാപകരെ ഏല്പിച്ചു.