കോട്ടയം:- മാതൃഭൂമി 'സീഡ്' വിദ്യാഭ്യാസ ജില്ലാതല വിത്തുവിതരണം നടത്തി
Posted By : ktmadmin On 18th December 2014
പൊന്‍കുന്നം: മാതൃഭൂമി സീഡ് പ്രവര്‍ത്തനത്തിന്റെ ഭാഗമായി കാഞ്ഞിരപ്പള്ളി വിദ്യാഭ്യാസജില്ലാതല പച്ചക്കറി വിത്തുവിതരണത്തിന് പൊന്‍കുന്നം ശ്രേയസ് പബ്ലിക് സ്‌കൂളില്‍ തുടക്കമായി. ചിറക്കടവ് ഗ്രാമപ്പഞ്ചായത്ത് പ്രസിഡന്റ് സി.കെ.രാമചന്ദ്രനില്‍ നിന്ന് സീഡ് വിദ്യാര്‍ഥികള്‍ പച്ചക്കറിവിത്തുകള്‍ ഏറ്റുവാങ്ങി.
വിശ്വശ്രേയസ് എഡ്യുക്കേഷണല്‍ ഫൗണ്ടേഷന്‍ വൈസ് ചെയര്‍മാന്‍ പി.രവീന്ദ്രന്‍ അധ്യക്ഷത വഹിച്ചു.
ഫെഡറല്‍ ബാങ്ക് പൊന്‍കുന്നം ശാഖാ ചീഫ് മാനേജര്‍ ജോസ് ഫ്രാന്‍സിസ്, വാഴൂര്‍ കൃഷി അസിസ്റ്റന്റ് ഡയറക്ടര്‍ ഷേര്‍ളി ജോസഫ്, ചിറക്കടവ് കൃഷിഓഫീസര്‍ ഡെസി വര്‍ഗീസ്, സീഡ് ടീച്ചര്‍ കോഓര്‍ഡിനേറ്റര്‍ എസ്.സിന്ധുദേവി, മാതൃഭൂമി പ്രതിനിധി പി.ബി.പ്രദീപ് എന്നിവര്‍ പ്രസംഗിച്ചു.