കര്‍ഷകര്‍ക്ക് പച്ചക്കറിത്തൈകള്‍ വിതരണം ചെയ്ത് സീഡ്
Posted By : tcradmin On 13th December 2014
അവിട്ടത്തൂര്‍: കുടുംബകൃഷി വര്‍ഷാചരണത്തിന്റെ ഭാഗമായി അവിട്ടത്തൂര്‍ ഗ്രാമപ്പഞ്ചായത്തിലെ കര്‍ഷകര്‍ക്ക് സീഡിന്റെ നേതൃത്വത്തില്‍ പച്ചക്കറിത്തൈകള്‍ വിതരണം ചെയ്തു. അവിട്ടത്തൂര്‍ എല്‍.ബി.എസ്.എം. ഹയര്‍ സെക്കന്‍ഡറി സ്‌കൂളിലെ സീഡ്- കര്‍ഷക ക്ലബ്ബിലെ വിദ്യാര്‍ത്ഥികളാണ് ഓരോ വീട്ടിലും പച്ചക്കറിത്തൈകള്‍ വിതരണം ചെയ്തത്.
സീഡ് കോ-ഓര്‍ഡിനേറ്റര്‍ രമ കെ. മേനോന്‍, കര്‍ഷകക്ലബ്ബ് കോ- ഓര്‍ഡിനേറ്റര്‍ ലത പി. മേനോന്‍, സീഡ് വിദ്യാര്‍ത്ഥികളായ ശ്രീലക്ഷ്മി സുരേഷ്, ഐശ്വര്യ, ഷാരോണ്‍, ഗോകുല്‍ കൃഷ്ണദാസ് തുടങ്ങിയവര്‍ നേതൃത്വം നല്‍കി.