പച്ചക്കറിവിത്ത് വിതരണം ഉദ്ഘാടനം
Posted By : tcradmin On 11th December 2014
തൃശ്ശൂര്‍: മാതൃഭൂമി സീഡും കൃഷിവകുപ്പും സംയുക്തമായി നടത്തുന്ന 'എല്ലാ വിദ്യാര്‍ഥികള്‍ക്കും പച്ചക്കറിവിത്ത്, എല്ലാ വിദ്യാലയങ്ങളിലും പച്ചക്കറിത്തോട്ടം' പദ്ധതിയുടെ ചാവക്കാട് വിദ്യാഭ്യാസജില്ലാതല ഉദ്ഘാടനം നടന്നു. പുലിയന്നൂര്‍ സെന്റ് തോമസ് യു.പി. സ്‌കൂളില്‍ വേലൂര്‍ അസി. കൃഷി ഓഫീസര്‍ കൃഷ്ണദാസ് വിദ്യാര്‍ഥികള്‍ക്ക് പച്ചക്കറിവിത്ത് നല്‍കി ഉദ്ഘാടനം നിര്‍വ്വഹിച്ചു.
കുന്നംകുളം ഉപജില്ലാ എഇഒ പി. സച്ചിതാനന്ദന്‍ ചടങ്ങില്‍ മുഖ്യാതിഥിയായി. സ്‌കൂള്‍ ഹെഡ്മിസ്ട്രസ് പി.കെ. ശോഭന ആധ്യക്ഷ്യം വഹിച്ചു. നീനു രത്തിന്‍, ബാലു, ജോസ്, ടോണി എം. ടോം എന്നിവര്‍ സംസാരിച്ചു.