ലക്ഷ്മിതരു വിതരണം ചെയ്തു
Posted By : tcradmin On 8th December 2014
ഇരിങ്ങാലക്കുട: പൊറത്തിശ്ശേരി മഹാത്മ യു.പി.സ്‌കൂളില്‍ ലക്ഷ്മിതരു വിതരണം ചെയ്തു. ആര്‍ട്ട് ഓഫ് ലീവിങ്ങിന്റെ വളണ്ടിയര്‍ ഫോര്‍ എ ബെറ്റര്‍ ഇന്ത്യയും മാതൃഭൂമി സീഡും സംയുക്തമായി നടത്തുന്ന ലക്ഷ്മിതരു ഹരിതഭാരതം കാമ്പെയിന്റെ ഭാഗമായിട്ടാണ് സ്‌കൂളില്‍ വൃക്ഷങ്ങള്‍ വിതരണം ചെയ്തത്. ഹരിതഭാരതം ജില്ലാ കോ-ഓര്‍ഡിനേറ്റര്‍ നീനു റത്തിന്‍ അസി. ഹെഡ്മിസ്ട്രസ്സ് ലിനിക്ക് വൃക്ഷത്തൈ നല്‍കി കാെമ്പയിന്‍ ഉദ്ഘാടനം ചെയ്തു. ലക്ഷ്മിതരു വൃക്ഷത്തിന്റെ പ്രാധാന്യത്തെക്കുറിച്ചും അതിന്റെ ആവശ്യകതയെക്കുറിച്ചും പ്രകൃതി സംരക്ഷണത്തെക്കുറിച്ചും നീനു റത്തിന്‍ ക്ലാസ്സെടുത്തു. സീഡ് കോ-ഓര്‍ഡിനേറ്റര്‍ ദീപ മനോഹരന്‍ സംസാരിച്ചു. കാന്‍സറടക്കം 16ഓളം രോഗങ്ങള്‍ ഭേദമാക്കാന്‍ ലക്ഷ്മിതരു വൃക്ഷത്തിന് കഴിവുണ്ടെന്നാണ് പറയപ്പെടുന്നത്.