ജൈവവൈവിധ്യദശകം ആചരിച്ചു
Posted By : knradmin On 6th December 2014
പെരിങ്ങോം: മാത്തില്‍ ഗവ. ഹയര്‍ സെക്കന്‍ഡറി സ്‌കൂള്‍ കായാമ്പൂ ഇക്കോ ക്ലബ് അന്താരാഷ്ട്ര ജൈവ വൈവിധ്യദശകം ആചരിച്ചു. പാരമ്പര്യവൈദ്യനും മാത്തില്‍ ഗവ. ഹയര്‍ സെക്കന്‍ഡറി സ്‌കൂള്‍ അധ്യാപകനുമായ എന്‍.ദേവരാജനുമായി വിദ്യാര്‍ഥികള്‍ അഭിമുഖം നടത്തി. സ്‌കൂള്‍ പറമ്പിലെ ഔഷധച്ചെടികളെ വൈദ്യര്‍ വിദ്യാര്‍ഥികള്‍ക്ക് പരിചയപ്പെടുത്തി. ഔഷധച്ചെടികളുടെ പ്രാധാന്യത്തെക്കുറിച്ച് ക്ലാസെടുത്തു. പ്രിന്‍സിപ്പല്‍ എ.വി.ശിവദാസ് അധ്യക്ഷതവഹിച്ചു. പ്രഥമാധ്യാപിക സി.ഐ.വത്സല, സീഡ് ഇക്കോ ക്ലബ് കോ ഓര്‍ഡിനേറ്റര്‍ പി.വി.പ്രഭാകരന്‍, പി.അഭിജിത്ത് എന്നിവര്‍ പ്രസംഗിച്ചു.