മാതൃഭൂമി സീഡ് വിത്തുവിതരണോദ്ഘാടനം
Posted By : mlpadmin On 5th December 2014
മഞ്ചേരി: മാതൃഭൂമി സീഡ് പദ്ധതിയുടെ ഭാഗമായുളള പച്ചക്കറി വിത്തുവിതരണത്തിന്റെ മലപ്പുറം വിദ്യാഭ്യാസജില്ലാതല ഉദ്ഘാടനം മഞ്ചേരി ടെക്‌നിക്കല്‍ സ്‌കൂളില്‍ നടന്നു.
എല്ലാ വിദ്യാലയങ്ങളിലും പച്ചക്കറിത്തോട്ടം, എല്ലാ വിദ്യാര്‍ഥികള്‍ക്കും പച്ചക്കറിവിത്ത് എന്ന ആശയവുമായി കൃഷിവകുപ്പും മാതൃഭൂമി സീഡും ചേര്‍ന്നാണ് പദ്ധതി നടപ്പാക്കുന്നത്. മഞ്ചേരി കൃഷി ഓഫീസര്‍ പി. രാജന്‍ വിത്തുവിതരണം ഉദ്ഘാടനം ചെയ്തു.
ടെക്‌നിക്കല്‍ സ്‌കൂള്‍ സൂപ്രണ്ട് കെ.വി. ഹരിദാസന്‍ അധ്യക്ഷതവഹിച്ചു.
മഞ്ചേരി നഗരസഭ കൗണ്‍സിലര്‍ എം.കെ. മുനീര്‍, പി.ടി.എ പ്രസിഡന്റ് കെ.പി. അബ്ദുള്‍ജലീല്‍, വി.എച്ച്.എസ് പ്രിന്‍സിപ്പല്‍ എ. സോജന്‍, സി.എം. അബ്ദുറഹിമാന്‍, അബ്ദുള്‍ജലീല്‍ കുരിക്കള്‍, ഹരിത സീഡ് കോഓര്‍ഡിനേറ്റര്‍ പി. ബാലചന്ദ്രന്‍, മാതൃഭൂമി സീഡ് പ്രതിനിധി സി. അശോകന്‍, പി. രാമദാസന്‍, സീഡ് റിപ്പോര്‍ട്ടര്‍ കെ.ടി. സുഹൈല തുടങ്ങിയവര്‍ പ്രസംഗിച്ചു