മാതൃഭൂമി സീഡ് വിത്ത് വിതരണം; തിരൂര്‍ വിദ്യാഭ്യാസ ജില്ലാതല ഉദ്ഘാടനം നാളെ

 എടപ്പാള്‍: മാതൃഭൂമി സീഡ് പദ്ധതിയുടെ ഭാഗമായി നടക്കുന്ന പച്ചക്കറി വിത്തുവിതരണത്തിന്റെ തിരൂര്‍ വിദ്യാഭ്യാസ ജില്ലാതല ഉദ്ഘാടനം ചെറുവായിക്കര ജി.യു.പി. സ്‌കൂളില്‍ ചൊവ്വാഴ്ച വൈകീട്ട് മൂന്നിന് നടക്കും. എല്ലാ വിദ്യാലയങ്ങളിലും പച്ചക്കറിത്തോട്ടം, എല്ലാ വിദ്യാര്‍ഥികള്‍ക്കും പച്ചക്കറി വിത്ത് എന്ന ആശയവുമായി കൃഷി വകുപ്പും മാതൃഭൂമി സീഡും സംയുക്തമായി സംഘടിപ്പിക്കുന്നതാണ് പദ്ധതി. വട്ടംകുളം കൃഷി ഓഫീസര്‍ പി.എം. ജോഷി വിത്ത് വിതരണം ഉദ്ഘാടനംചെയ്യും.