മാതൃഭൂമി സീഡ് വിത്തുവിതരണം ജില്ലാതല ഉദ്ഘാടനം നാളെ

 മലപ്പുറം: മാതൃഭൂമി സീഡ് പദ്ധതിയുടെ ഭാഗമായി നടക്കുന്ന പച്ചക്കറി വിത്തുവിതരണത്തിന്റെ ജില്ലാതല ഉദ്ഘാടനം വാളക്കുളം കെ.എച്ച്.എം. ഹയര്‍സെക്കന്‍ഡറി സ്‌കൂളില്‍ ചൊവ്വാഴ്ച രാവിലെ 11ന് നടക്കും. 'എല്ലാവിദ്യാലയങ്ങളിലും പച്ചക്കറിത്തോട്ടം, എല്ലാവിദ്യാര്‍ഥികള്‍ക്കും പച്ചക്കറിവിത്ത്' എന്ന ആശയവുമായി കൃഷിവകുപ്പും മാതൃഭൂമി സീഡും സംയുക്തമായി സംഘടിപ്പിക്കുന്നതാണ് പദ്ധതി. ഇതിന്റെ ഭാഗമായി ജില്ലയിലെ സ്‌കൂളുകള്‍ക്ക് പച്ചക്കറിവിത്ത് സൗജന്യമായി വിതരണം ചെയ്യും. കൃഷിവകുപ്പ് ഡെപ്യൂട്ടി ഡയറക്ടര്‍ എം.പി. വത്സമ്മ വിത്തുവിതരണം ഉദ്ഘാടനം ചെയ്യും.