കാർത്ത്യായനി വിദ്യാമന്ദിറിൽ സീഡ് ക്ലബ്ബ് തുടങ്ങി

കുട്ടമ്പേരൂർ: കുട്ടമ്പേരൂർ ശ്രീ കാർത്ത്യായനി വിദ്യാമന്ദിറിൽ പ്രവർത്തനം ആരംഭിച്ച മാതൃഭൂമി സീഡ് ക്ലബ്ബിന്റെ ഉദ്ഘാടനം മാതൃഭൂമി ചീഫ് സബ് എഡിറ്റർ കെ.ജി. മുകുന്ദൻ നിർവഹിച്ചു.
സ്കൂൾ മാനേജർ അഡ്വ. അനിൽവിളയിൽ അധ്യക്ഷത വഹിച്ചു.
ഭാരതീയ വിദ്യാനികേതൻ ജില്ലാ കലോത്സവത്തിൽ രണ്ടാം സ്ഥാനം നേടിയ സ്കൂളിലെ മികച്ച പ്രകടനം കാഴ്ചവച്ച കുട്ടികൾക്കുള്ള ഉപഹാരങ്ങൾ മാന്നാർ ഗ്രാമപ്പഞ്ചായത്ത് വൈസ് പ്രസിഡന്റ് തോമസ് ചാക്കോ സമ്മാനിച്ചു.
പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സതീഷ് ശാന്തിനിവാസ്, സ്കൂൾ പ്രിൻസിപ്പൽ കെ. ഇന്ദിരാകുമാരി, പി.ടി.എ. പ്രസിഡന്റ് സജ്ജയൻ വേണാട് എന്നിവർ പ്രസംഗിച്ചു.