കോട്ടയം:പച്ചക്കറിവിത്ത് വിതരണം ജില്ലാതല ഉദ്ഘാടനം നടത്തി
Posted By : ktmadmin On 27th November 2014
കിടങ്ങൂര്‍: മാതൃഭൂമി സീഡ് പ്രവര്‍ത്തനത്തിന്റെ ഭാഗമായി സ്‌കൂള്‍ വിദ്യാര്‍ഥികള്‍ക്കുള്ള പച്ചക്കറിവിത്ത് വിതരണത്തിന്റെ ജില്ലാതല ഉദ്ഘാടനം കോട്ടയം പ്രിന്‍സിപ്പല്‍ അഗ്രിക്കള്‍ച്ചര്‍ ഓഫീസര്‍ വി.ജയശ്രീ നിര്‍വഹിച്ചു. കിടങ്ങൂര്‍ സെന്റ് മേരീസ് ഹയര്‍സെക്കന്‍ഡറി സ്‌കൂള്‍ ഹാളില്‍ നടന്ന സമ്മേളനത്തില്‍ സ്‌കൂള്‍ പ്രഥമാധ്യാപകന്‍ പി.എ.ബാബു അധ്യക്ഷത വഹിച്ചു.
തിരഞ്ഞെടുക്കപ്പെട്ട സ്‌കൂളുകളിലെ കുട്ടികള്‍ക്കാണ് വിത്തുകള്‍ വിതരണം ചെയ്യുന്നത്. ഫെഡറല്‍ ബാങ്ക് എ.ജി.എം. ആന്‍ഡ് റീജണല്‍ ഹെഡ് ടോം തോമസ് തെക്കേല്‍, ഡെപ്യൂട്ടി ഡയറക്ടര്‍ ഓഫ് അഗ്രിക്കള്‍ച്ചര്‍ സി.ഗീത എന്നിവര്‍ സംസാരിച്ചു. മാതൃഭൂമി ഡെപ്യൂട്ടി മാനേജര്‍ ബിസിനസ് ഡെവലപ്‌മെന്റ് കെ.ജി.നന്ദകുമാര്‍ ശര്‍മ സ്വാഗതവും സോഷ്യല്‍ ഇനീഷ്യേറ്റീവ്‌സ് എക്‌സിക്യൂട്ടീവ് ജസ്റ്റിന്‍ ജോസഫ് നന്ദിയും പറഞ്ഞു. സീഡ് അധ്യാപക കോഓര്‍ഡിനേറ്റര്‍ എബി ജോണ്‍, ഫാ. ജോയി കട്ടിയാങ്കല്‍ എന്നിവര്‍ നേതൃത്വം നല്‍കി.