മാരൂര്‍ ഗവ.ഹയര്‍ സെക്കന്‍ഡറി സ്‌കൂളില്‍ ഔഷധ സസ്യത്തോട്ടം നിര്‍മ്മിച്ചു
Posted By : ptaadmin On 21st November 2014
ഇളമണ്ണൂര്‍: മാരൂര്‍ ഗവ.ഹയര്‍ സെക്കന്‍ഡറി സ്‌കൂളില്‍ സീഡ് ക്ലബ്ബിന്റെ നേതൃത്വത്തില്‍ ഔഷധ സസ്യത്തോട്ടം നിര്‍മ്മിച്ചു. അന്യംനിന്നുപോകുന്ന ഔഷധച്ചെടികളെ വിദ്യാര്‍ഥികള്‍ക്കും നാടിനും പരിചയപ്പെടുത്തിക്കൊടുക്കുന്നതിനായാണ് ഔഷധ സസ്യത്തോട്ട നിര്‍മ്മാണം എന്ന ലക്ഷ്യം സ്‌കൂളിലെ സീഡ് ക്ലബ്ബ് ഏറ്റെടുത്തത്. സ്‌കൂള്‍ ഷെഡ്മിസ്ട്രസ് പി.എ.ഗീത ഉദ്ഘാടനം ചെയ്തു. ഔഷധസസ്യങ്ങളുടെ പ്രാധാന്യത്തെപ്പറ്റിയും സസ്യങ്ങള്‍ പരിപാലിക്കേണ്ട രീതികളെപ്പറ്റിയും മാതൃഭൂമി സീഡ് കോ-ഓര്‍ഡിനേറ്റര്‍ ജയചന്ദ്രന്‍ ക്ലാസ്സെടുത്തു.