ജില്ലാ ശാസ്‌ത്രോത്സവത്തിലും സീഡ് ക്ലബ്ബിന്റെ തുണിസഞ്ചി
Posted By : pkdadmin On 18th November 2014
ഒറ്റപ്പാലം: പരിസ്ഥിതിസൗഹൃദ സമൂഹം എന്ന സന്ദേശവുമായി ജില്ലാശാസ്‌ത്രോത്സവവേദിയിലും സീഡ്ക്ലബ്ബംഗങ്ങള്‍ തുണിസഞ്ചി വിതരണംചെയ്തു. ചെറുമുണ്ടശ്ശേരി യു.പി. സ്‌കൂളിലെ ഹരിതം സീഡ്ക്ലബ്ബംഗങ്ങളാണ് അനങ്ങനടി ഹയര്‍സെക്കന്‍ഡറി സ്‌കൂളില്‍ റജിസ്‌ട്രേഷനാവശ്യമായ തുണിസഞ്ചികള്‍ നല്‍കിയത്. എം. ഹംസ എം.എല്‍.എ. ഉദ്ഘാടനംചെയ്തു. റജിസ്‌ട്രേഷന്‍കമ്മിറ്റി കണ്‍വീനര്‍ കെ. അബ്ദുള്‍സലാം ഏറ്റുവാങ്ങി. സ്‌കൂളിലെ സീഡ് പരിസ്ഥിതി കൂട്ടായ്മയുടെ നേതൃത്വത്തില്‍ മറ്റ് സ്‌കൂളുകളില്‍ പ്ലാസ്റ്റിക്കിനെതിരായ ബോധവത്കരണവും നടത്തുന്നുണ്ട്. സീഡ് കോഓര്‍ഡിനേറ്റര്‍ എന്‍. അച്യുതാനന്ദന്റെ സഹകരണത്തോടെയാണ് തുണിസഞ്ചികള്‍ നിര്‍മിച്ചത്. ഉപജില്ലാ കലോത്സവത്തിലും ചെറുമുണ്ടശ്ശേരി യു.പി. സ്‌കൂള്‍ സീഡ്ക്ലബ്ബംഗങ്ങള്‍ തുണിസഞ്ചി വിതരണംചെയ്തിരുന്നു.