ഏകദിന പരിസ്ഥിതി പഠന ശില്പശാല

 പെരിങ്ങനാട്: തൃച്ചേന്ദമംഗലം ഗവ.ഹയര്‍സെക്കന്‍ഡറി സ്‌കൂളില്‍ മാതൃഭൂമി സീഡ് ക്ലൂബ്ബും കേരള വനം വന്യജീവി വകുപ്പും ചേര്‍ന്ന് ഏകദിന പരിസ്ഥിതി പഠനശില്പശാല നടത്തി. പരിസ്ഥിതി സംരക്ഷണ പ്രവര്‍ത്തനങ്ങളെക്കുറിച്ചുള്ള അവബോധം കുട്ടികളില്‍ വളര്‍ത്തിയെടുക്കാനും വന്യജീവി സംരക്ഷണത്തിന്റെ പ്രാധാന്യം വ്യക്തമാക്കാനുമായിരുന്നു ശില്പശാല. 
സ്‌കൂള്‍ ഹെഡ്മാസ്റ്റര്‍ രാജന്‍ തോമസ് ഉദ്ഘാടനം ചെയ്തു. പി.ടി.എ. പ്രസിഡന്റ് വേണു അധ്യക്ഷത വഹിച്ചു. വനംവകുപ്പ് ഉദ്യോഗസ്ഥരായ ബാബു രാജേന്ദ്രന്‍, യേശുദാസന്‍, പി.കെ.രാജേന്ദ്രന്‍ എന്നിവര്‍ ക്ലൂസ്സെടുത്തു.