സഹപാഠിക്ക് സഹായവുമായി സീഡ് പോലീസ്
Posted By : klmadmin On 12th November 2014
സഹപാഠിക്ക് സഹായവുമായി സീഡ് പോലീസ്
കുറ്റിക്കാട് യു.പി.എസ്സിലെ സൗജന്യ മരുന്നുവിതരണ പദ്ധതിയുടെ ഉദ്ഘാടനം
പ്രഥമാധ്യാപകന്‍ ഡി.ജോണ്‍കുട്ടി നിര്‍വഹിക്കുന്നു
അഞ്ചല്‍: അസുഖബാധിതരായ കുട്ടികള്‍ക്ക് സൗജന്യമായി മരുന്ന് വാങ്ങി നല്‍കി കുറ്റിക്കാട് യു.പി.സ്‌കൂളിലെ സീഡ് പോലീസ് മാതൃകയാകുന്നു. ഡോക്ടര്‍മാര്‍ നല്‍കുന്ന കുറിപ്പ് സ്‌കൂളിലെത്തിച്ചാല്‍ സൗജന്യമായി മരുന്ന് വാങ്ങി നല്‍കും.
സ്‌കൂളില്‍ സീഡ് പോലീസ് സ്ഥാപിച്ചിട്ടുള്ള ബോക്‌സില്‍ കുട്ടികള്‍ പൈസ നിക്ഷേപിക്കും. അവ സ്വരൂപിച്ചാണ് മരുന്ന് വാങ്ങുന്നത്. നന്ദു എന്ന വിദ്യാര്‍ഥിക്ക് മരുന്ന് വാങ്ങി നല്‍കിക്കൊണ്ട് പ്രഥമാധ്യാപകന്‍ ഡി.ജോണ്‍കുട്ടി ഉദ്ഘാടനം നിര്‍വഹിച്ചു. സ്റ്റാഫ് സെക്രട്ടറി ആശ കെ.ജി., സീഡ് കോഓര്‍ഡിനേറ്റര്‍ ഐ.ആര്‍.അജയകുമാര്‍, സീഡ് അംഗങ്ങള്‍, വിദ്യാര്‍ഥികള്‍, അധ്യാപകര്‍ തുടങ്ങിയവര്‍ പങ്കെടുത്തു.