കാരാകുറുശ്ശി ദാറുസ്സലാം സ്‌കൂളില്‍ വിദ്യാര്‍ഥികള്‍ പച്ചക്കറിത്തോട്ടമൊരുക്കി
Posted By : pkdadmin On 12th November 2014
മണ്ണാര്‍ക്കാട്: കാരാകുറുശ്ശി ദാറുസ്സലാം പബ്ലിക് സ്‌കൂളിന്റെ മൈതാനത്തിന്റെ 20 സെന്റ് സ്ഥലത്ത് സീഡ് വിദ്യാര്‍ഥികള്‍ പച്ചക്കറിത്തോട്ടമൊരുക്കി. തോട്ടത്തില്‍ ആദ്യവിത്തുപാകല്‍ ഗ്രാമപ്പഞ്ചായത്ത് പ്രസിഡന്റ് ഫാത്തിമ താഴത്തെകല്ലടി നിര്‍വഹിച്ചു.
കാരാകുറുശ്ശി കൃഷിഭവന്റെ സഹകരണത്തോടെയാണ് സംരംഭത്തിന് തുടക്കമായത്. കൃഷിഓഫീസര്‍ മോഹന്‍രാജ്, വിദ്യാലയം ചെയര്‍മാന്‍ ഷൗക്കത്തലി, സെക്രട്ടറി അബ്ദുള്‍റഹ്മാന്‍, പ്രിന്‍സിപ്പല്‍ അബ്ദുള്‍റഷീദ്, മൊയ്തീന്‍കുട്ടി, പി.ടി.എ. പ്രസിഡന്റ് സലാംതറയില്‍ എന്നിവര്‍ പ്രസംഗിച്ചു.