നാട് വൃത്തിയാക്കാന്‍ ഓര്‍മപ്പെടുത്തി തെരുവുനാടകം
Posted By : knradmin On 6th November 2014
കക്കാട്: മാതൃഭൂമി സീഡ് പദ്ധതിയുടെ ഭാഗമായി കക്കാട് അമൃതവിദ്യാലയം സീഡ് ക്‌ളബ് അംഗങ്ങള്‍ കക്കാട് ടൗണില്‍ തെരുവുനാടകം അവതരിപ്പിച്ചു.
പരിസരശുചീകരണ ബോധവത്കരണത്തിന്റെ ഭാഗമായാണ് നാടകം അവതരിപ്പിച്ചത്. നാടകത്തിന് മുമ്പ് നടന്ന ചടങ്ങില്‍ പ്രിന്‍സിപ്പല്‍ പി.വി.ഗോപിനാഥന്‍ നമ്പ്യാര്‍, പരിസ്ഥിതിപ്രവര്‍ത്തകര്‍ ദേവദാസ് തളാപ്പ്, പള്ളിപ്രം പ്രസന്നന്‍ എന്നിവര്‍ സംസാരിച്ചു.
നികേത മനോജ് സ്വാഗതവും കെ.ദേവിക നന്ദിയും പറഞ്ഞു. നാടകാവതരണത്തിനുമുമ്പ് കക്കാട് ടൗണിലെ കടകളില്‍ ശുചിത്വ ബോധവത്കരണ ലഘുലേഖകള്‍ വിതരണം ചെയ്തു. ശ്രീജിത്ത് വാസുദേവ്, പി.വി.ദേവദാസ്, എന്‍.വി.റോജ, ദിവ്യ കമ്മത്ത്, മായ പ്രഭാകരന്‍ എന്നിവര്‍ നേതൃത്വം നല്‍കി