പച്ചക്കറിത്തോട്ടം പദ്ധതി ഉദ്ഘാടനം
Posted By : klmadmin On 27th July 2013
കൊട്ടാരക്കര: കൃഷിവകുപ്പിന്റെ വീട്ടിലൊരു പച്ചക്കറിത്തോട്ടം പദ്ധതിയുടെ ഭാഗമായി ആചാര്യ പബ്ലിക് സ്‌കൂളില്‍ വിത്തു വിതരണം നടത്തി. മാതൃഭൂമി സീഡ് ക്ലബിന്റെ നേതൃത്വത്തില്‍ സീഡ് പോലീസും വിദ്യാര്‍ഥികളും ചേര്‍ന്ന് സ്‌കൂള്‍ വളപ്പില്‍ വിത്തു വിതച്ചു. സീഡ് കോ ഓര്‍ഡിനേറ്റര്‍ അര്‍ച്ചന നേതൃത്വം നല്‍കി.
പ്രിന്‍സിപ്പല്‍ സി.കനകമ്മ കുമാരി ഉമാമഹേശ്വരിക്ക് വിത്ത് നല്‍കി ഉദ്ഘാടനം ചെയ്തു. വീടുകളില്‍ പച്ചക്കറിത്തോട്ടം ഒരുക്കേണ്ടതിന്റെ ആവശ്യകതയെക്കുറിച്ച് പ്രഥമാധ്യാപിക ചിത്ര സംസാരിച്ചു. സ്‌കൂള്‍ അഡ്മിനിസ്‌ട്രേറ്റര്‍ ജെസ്സെ, മാനേജര്‍ ടി.കെ.അനൂപ് എന്നിവര്‍ പ്രസംഗിച്ചു.
എസ്. എസ്.എല്‍.സി. പരീക്ഷയില്‍ മികച്ച വിജയം നേടിയ എസ്.ആര്യയെ അനുമോദിച്ചു. രാമായണമാസാചരണത്തിന്റെ ഭാഗമായി സ്‌കൂളില്‍ ദിവസവും രാമായണ പാരായണം നടത്തുന്നതായി പ്രിന്‍സിപ്പല്‍ അറിയിച്ചു.