മാതൃഭൂമി സീഡ്പദ്ധതി കൊയ്ത്തുത്സവം
Posted By : pkdadmin On 28th October 2014
ചിറ്റൂര്‍: മാതൃഭൂമി സീഡ്പദ്ധതിയുടെ ഭാഗമായി ചിറ്റൂര്‍ ബോയ്‌സ് വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ കൃഷിവിഭാഗത്തിന്റെ ആഭിമുഖ്യത്തില്‍ കൊയ്ത്ത് നടന്നു. കൗണ്‍സിലര്‍ ബാബുദാസ് ഉദ്ഘാടനംചെയ്തു. സ്‌കൂള്‍വയലിലാണ് കുരുന്നുകള്‍ കൃഷി യിറക്കിയത്.
കീടനാശിനിപ്രയോഗം നടത്തേണ്ടിവന്നില്ലെന്ന് കുട്ടികള്‍ പറഞ്ഞു. കിട്ടിയ നെല്ലില്‍നിന്ന് അവിലും പച്ചരിയും ഉണ്ടാക്കും. പ്രിന്‍സിപ്പല്‍ ഹബീബ, പ്രോഗ്രാം ഓഫീസര്‍ ബാലുമനോഹര്‍, സീഡ് റിപ്പോര്‍ട്ടര്‍ വിഷ്ണുമായ, അധ്യാപകരായ അനിതാറാം, റീന, സ്മിത, ജിജി, സിന്ധു, സുവര്‍ണന്‍, റമീന, പ്രിയ, പി.ടി.എ. പ്രസിഡന്റ് ജയദേവന്‍ എന്നിവര്‍ പങ്കെടുത്തു.