ഇരിങ്ങാലക്കുടയിലെ എല്ലാ കുളങ്ങളും സംരക്ഷിക്കണമെന്ന് സീഡ്
Posted By : tcradmin On 27th October 2014
ഇരിങ്ങാലക്കുട: ഇരിങ്ങാലക്കുട നഗരസഭയിലെ ഞവരിക്കുളം ഉള്‍പ്പെടെയുള്ള കുളങ്ങള്‍ സംരക്ഷിക്കണമെന്നാവശ്യപ്പെട്ട് സീഡിന്റെ നേതൃത്വത്തില്‍ വിദ്യാര്‍ത്ഥിമതില്‍ തീര്‍ത്തു. 'കുളങ്ങള്‍ സംരക്ഷിക്കൂ, ഭൂഗര്‍ഭജലത്തിന്റെ തോതുയര്‍ത്തൂ' എന്ന സന്ദേശവുമായി ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് യുണിറ്റിന്റെ നേതൃത്വത്തിലാണ് വിദ്യാര്‍ത്ഥിമതില്‍ സംഘടിപ്പിച്ചത്.
കുളങ്ങള്‍ സംരക്ഷിക്കേണ്ടതിന്റെ ആവശ്യകതയെക്കുറിച്ച് സീഡ് വിദ്യാര്‍ത്ഥികളായ ഋഷികേശ് പി.എം., ശരത്ത് പീറ്റര്‍ തുടങ്ങിയവര്‍ സംസാരിച്ചു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, വിദ്യാര്‍ത്ഥികളായ ആതിര മേനോന്‍, സ്‌നേഹ സജീവ്കുമാര്‍, ശ്യാം പിറ്റര്‍, രോഹിത്, ആശ സുരേഷ്, ജ്യോത്സ്‌ന പത്മനാഭന്‍ തുടങ്ങിയവര്‍ നേതൃത്വം നല്‍കി.