ശുചിത്വത്തിന്റെ പാതയില്‍...

 ശ്രീകൃഷ്ണപുരം: ഗാന്ധിജയന്തിയോടനുബന്ധിച്ച് ശുചിത്വത്തിന്റെ വിത്തുകള്‍ പാകിക്കൊണ്ട് സെന്റ് ഡൊമിനിക്‌സ് കോണ്‍വെന്റ് ഇംഗ്ലീഷ് മീഡിയം സ്‌കൂള്‍ വിദ്യാര്‍ഥികള്‍ സ്‌കൂളും പരിസരവും വൃത്തിയാക്കി. സീഡ് കോ-ഓര്‍ഡിനേറ്റര്‍ ഇ. സൗമിയ, അധ്യാപകരായ രേഖ, കനകവല്ലി, ദീപ, അനുരാജ് എന്നിവരുടെ നേതൃത്വത്തില്‍ ചന്തപ്പുര-വലിമ്പിലിമംഗലം റോഡ് പരിസരം ശുചിയാക്കി. ശുചിത്വബോധവും വ്യക്തിത്വവികസനവും സാമൂഹികനന്മയും ഒരുമിപ്പിച്ചുകൊണ്ട് സ്വച്ച് ഭാരത് എന്ന ആശയത്തോടുള്ള തങ്ങളുടെപങ്ക് പ്രകടിപ്പിക്കുകയും കൂടി ഇവര്‍ ചെയ്തു. സ്‌കൂളും പരിസരവും പ്ലാസ്റ്റിക് വിമുക്തമാക്കുന്നതോടൊപ്പം സമീപത്തെ മുതിര്‍ന്നവര്‍ക്കും കുട്ടികള്‍ക്കും ശുചിത്വസന്ദേശം പകര്‍ന്നു.