മാര്‍ത്തോമ ഗേള്‍സ് സ്‌കൂളില്‍ സീഡ് ക്ലബ്ബിന്റ ഔഷധത്തോട്ടം
Posted By : klmadmin On 25th October 2014
കൊട്ടാരക്കര: മാര്‍ത്തോമ ഗേള്‍സ് ഹൈസ്‌കൂളില്‍ സീഡ് ക്ലബ്ബും ഇക്കോ ക്ലബ്ബും ചേര്‍ന്ന് ഔഷധത്തോട്ടം നിര്‍മിച്ചു. നാട്ടിന്‍പുറത്തുനിന്ന്‌ േശഖരിച്ച ഔഷധസസ്യ തൈകള്‍ വിദ്യാര്‍ഥിനി എസ്.ഗൗരി പ്രഥമാധ്യാപകന്‍ എ.വി.ജോര്‍ജിന് നല്‍കി തോട്ടം നിര്‍മാണം ഉദ്ഘാടനം ചെയ്തു.
തഴുതാമ, ആടലോടകം, അമൃത, നിലംബന, മുക്കൂറ്റി, കയ്യോന്നി, രാമതുളസി, കൃഷ്ണതുളസി, തുമ്പ, പനിക്കൂര്‍ക്ക, ബ്രഹ്മി, കച്ചോലം, മുത്തങ്ങ, നെല്ലി, പച്ചമഞ്ഞള്‍ തുടങ്ങി നിരവധി ഔഷധസസ്യങ്ങള്‍ വിദ്യാര്‍ഥികള്‍ നട്ടുകഴിഞ്ഞു. പി.ടി.എ. പ്രസിഡന്റ് പി.എന്‍.പത്മകുമാര്‍, കെ.ജി.തോമസ്, സംഗീത, സന്തോഷ് കുമാര്‍, ഗൗതമി, അമ്മു വിശ്വനാഥ് എന്നിവര്‍ നേതൃത്വം നല്‍കി.