ഗ്രാമയാത്രയും പുഴയോര ശുചീകരണവുമായി വിദ്യാര്‍ഥികള്‍
Posted By : mlpadmin On 23rd October 2014
വാളക്കുളം: സേവനവാരാചരണത്തിന്റെ ഭാഗമായി വാളക്കുളം കെ.എച്ച്.എം. ഹയര്‍സെക്കന്‍ഡറി സ്‌കൂള്‍ വിദ്യാര്‍ഥികള്‍ 'ഗ്രാമയാത്രയും' പുഴയോര ശുചീകരണവും നടത്തി.
'ക്‌ളീന്‍പിക്‌നിക്' എന്ന പേരില്‍ കാലത്ത് സ്‌കൂളില്‍ നിന്ന് കാല്‍നടയായി പുറപ്പെട്ട് പ്രദേശത്തെ കാവുകള്‍, കുളങ്ങള്‍, മണ്ഡപങ്ങള്‍, തോട്, പാടശേഖരം, വൃക്ഷങ്ങള്‍, ചോലകള്‍, മുളങ്കാടുകള്‍ എന്നിവ സന്ദര്‍ശിച്ച് പെരുമ്പുകടവിലെ കടലുണ്ടിപ്പുഴയുടെ തീരത്തെത്തി.
വിദ്യാര്‍ഥികള്‍ പുഴയോരം ശുചീകരിക്കുകയും ജൈവൈവിധ്യ സംരക്ഷണ പ്രതിജ്ഞയെടുക്കുകയും ചെയ്തു.
പുഴയോരക്യാമ്പില്‍ 'കേരളത്തിലെ ആദിവാസികള്‍' എന്ന വിഷയത്തില്‍ രമേശ് മേത്തല 'ഇന്നലെയുടെ ഗ്രാമനന്മകള്‍' എന്ന വിഷയത്തില്‍ ഷാനവാസ് പറവന്നൂര്‍ എന്നിവര്‍ ക്‌ളാസ്സെടുത്തു. ശ്രീലേഖ.എ, വിഷ്ണുപ്രിയ എം, ഫര്‍ഹ.കെ, ബാസിദ്.കെ, അനില്‍പ്രകാശ് എന്നിവര്‍ നേതൃത്വംനല്‍കി.