സീഡ് പ്രവര്‍ത്തകര്‍ മുന്നിട്ടിറങ്ങി; വില്ലേജ് ഓഫീസ് പരിസരം വൃത്തിയായി
Posted By : mlpadmin On 23rd October 2014
കുറ്റിപ്പുറം: സീഡ് പ്രവര്‍ത്തകരുടെ കൂട്ടായ്മയില്‍ വില്ലേജ് ഓഫീസ് പരിസരം വൃത്തിയായി. നടുവട്ടം വില്ലേജ് ഓഫീസ് പരിസരമാണ് ചെല്ലൂര്‍ കെ.എം.എ.യു.പി. സ്‌കൂളിലെ 35ഓളം വരുന്ന സീഡ് ക്ലബ് അംഗങ്ങള്‍ വൃത്തിയാക്കി തൈ നട്ടത്. സമീപത്തെ അങ്കണവാടിയുടെ പരിസരവും വിദ്യാര്‍ഥികള്‍ ശുചീകരിച്ചു.
മരംനടുന്നതിന്റെ ഉദ്ഘാടനം പഞ്ചായത്ത് വിദ്യാഭ്യാസ സ്ഥിരംസമിതി അധ്യക്ഷന്‍ കെ.ടി. സിദ്ദിഖ് നിര്‍വഹിച്ചു. അങ്കണവാടി പരിസരത്തെ ശുചീകരണം പഞ്ചായത്തംഗം അഹമ്മദ്കുട്ടി ചെമ്പിക്കല്‍ ഉദ്ഘാടനംചെയ്തു.
പ്രധാനാധ്യാപകന്‍ എം.കെ. സോമനാഥന്‍, സീഡ് കോഓര്‍ഡിനേറ്റര്‍ ബെന്നിതോമസ്, അധ്യാപകരായ എ.വി. മധു, ജ്യോതി, സീഡ് ക്ലബ് ഭാരവാഹികളായ വിഷ്ണുമായ, നന്ദന തുടങ്ങിയവര്‍ നേതൃത്വംനല്‍കി.