ശുചിത്വഗ്രാമം സുന്ദരഗ്രാമം പ്രചാരണപരിപാടി
Posted By : mlpadmin On 23rd October 2014
കൊണ്ടോട്ടി: അരിമ്പ്ര ജി.എം.യു.പി സ്‌കൂളിലെ മാതൃഭൂമി സീഡ് ക്‌ളബ്ബിന്റെ നേതൃത്വത്തില്‍ ശുചിത്വഗ്രാമം സുന്ദരഗ്രാമം പ്രചാരണ പരിപാടി തുടങ്ങി.
മൊറയൂര്‍ പഞ്ചായത്ത് ക്ഷേമകാര്യ സ്ഥിരംസമിതി അധ്യക്ഷന്‍ എന്‍.കെ. ഹംസ കെ.ടി. അബ്ദുള്‍ മജീദിന് തുണിസഞ്ചി കൈമാറി ഉദ്ഘാടനംചെയ്തു. സീഡ് കോഓര്‍ഡിനേറ്റര്‍ കെ. അബ്ദുള്‍ റഷീദ് പദ്ധതി വിശദീകരിച്ചു. പൊതുസ്ഥലങ്ങള്‍ വൃത്തിയാക്കല്‍, ലഹരിവിരുദ്ധ കാമ്പസ്, പ്‌ളാസ്റ്റിക് വിരുദ്ധറാലി, പേപ്പര്‍കവര്‍ നിര്‍മാണം, വീടുകളില്‍ തുണിസഞ്ചി വിതരണം തുടങ്ങിയവയാണ് പരിപാടിയിലുള്ളത്. നഹാസ്, സി.കെ. അബ്ദുല്‍ലത്തീഫ്, പി. സൈതലവി, പി. ശശീന്ദ്രന്‍ എന്നിവര്‍ പ്രസംഗിച്ചു.