സമ്മാനത്തുക സീഡ് കാരുണ്യനിധിയിലേക്ക്
Posted By : pkdadmin On 18th October 2014
ഒറ്റപ്പാലം: കടമ്പൂര്‍ ഗവ. ഹയര്‍സെക്കന്‍ഡറി സ്‌കൂളിലെ സീഡ് കാരുണ്യനിധിയിലേക്ക് സമ്മാനത്തുക നല്‍കി വിദ്യാര്‍ഥികളുടെ മാതൃക. സബ്ജില്ലാതല ക്വിസ് മത്സരത്തില്‍ ഒന്നാംസ്ഥാനം നേടിയ പി.എച്ച്. ഹരിതയും എന്‍.എച്ച്. ഹരിതയുമാണ് അവാര്‍ഡ്തുക കാരുണ്യനിധിയിലേക്ക് സംഭാവന നല്‍കിയത്.
പ്രധാനാധ്യാപകന്‍ കെ. രാമന്‍കുട്ടിക്ക് കുട്ടികള്‍ തുക കൈമാറി. പ്രിന്‍സിപ്പല്‍ വി. വേണുഗോപാല്‍, എം.സി. ഉണ്ണിക്കൃഷ്ണന്‍, പി.പി. ഹരിദാസ്, സിഡ് കോ-ഓര്‍ഡിനേറ്റര്‍ കെ. സതീഷ് കുമാര്‍ എന്നിവര്‍ പ്രസംഗിച്ചു.
സഹപാഠിയുടെ വീടുമേയാന്‍ പിറന്നാളാഘോഷത്തിന്റെ തുക നല്‍കി നേരത്തെ സ്‌കൂള്‍ക്കുട്ടികള്‍ മാതൃക കാട്ടിയിരുന്നു.