വന്ദ്യവയോധികര്‍ക്ക് എടതിരിഞ്ഞി എച്ച്.ഡി.പി. സമാജം ഇംഗ്ലീഷ് മീഡിയം സ്‌കൂളിലെ സീഡിന്റെ പ്രണാമം
Posted By : tcradmin On 3rd October 2014
ഇരിങ്ങാലക്കുട: ലോകവയോജനദിനത്തില്‍ വന്ദ്യവയോധികരെ ആദരിച്ച് സീഡ് വിദ്യാര്‍ത്ഥികള്‍ മാതൃകയായി. എടതിരിഞ്ഞി എച്ച്.ഡി.പി. സമാജം ഇംഗ്ലീഷ് മീഡിയം സ്‌കൂളിലെ സീഡ് വിദ്യാര്‍ത്ഥികളാണ് വയോജന ദിനാചരണത്തിന്റെ ഭാഗമായി വൃദ്ധജനങ്ങളെ പ്രണമിച്ച് അനുഗ്രഹാശിസ്സുകള്‍ ഏറ്റുവാങ്ങിയത്. ഊര്‍ക്കോലി വേലായുധന്‍, മുതുപറമ്പില്‍ അപ്പുകുട്ടന്‍, പനങ്ങാത്ത് ബാലന്‍, തൊടുകയില്‍ കുഞ്ഞയിശു, അരുവിപ്പറമ്പില്‍ റോസി എന്നിവരെയാണ് ആദരിച്ചത്. ജീവിതത്തിന്റെ അനുഭവസമ്പത്ത് അവര്‍ കുട്ടികളുമായി പങ്കുവെച്ചു. കുട്ടികള്‍ക്ക് നല്ല ഉപദേശങ്ങള്‍ നല്‍കാനും വൃദ്ധജനങ്ങള്‍ മറന്നില്ല. സമാജം ജോയിന്റ് സെക്രട്ടറി ചാര്‍ത്താംകുടത്ത് ചന്ദ്രന്‍ അദ്ധ്യക്ഷനായി. വേലായുധന്‍ അനുഗ്രഹപ്രഭാഷണം നടത്തി. കോ-ഓര്‍ഡിനേറ്റര്‍ പി. ശ്രീദേവി, പി.ടി.എ. പ്രസിഡന്റ് സുഭാഷ് ചന്ദ്രന്‍, പ്രിന്‍സിപ്പല്‍ ടി.ജെ. ബിനി തുടങ്ങിയവര്‍ സംസാരിച്ചു.