ഞാറ്റടിയൊരുക്കി സീഡ് കര്‍ഷകക്കൂട്ടായ്മ
Posted By : pkdadmin On 1st October 2014
ലക്കിടി: പേരൂര്‍ സ്‌കൂളിലെ സീഡ് പ്രവര്‍ത്തകര്‍ ഞാറുപാകി നെല്‍വയലിലേക്കിറങ്ങി. വിദ്യാലയത്തിലെ സീഡ്, കാര്‍ഷിക ക്ലബ്ബുകളുടെ നേതൃത്വത്തിലാണ് നെല്‍ക്കൃഷിയിറക്കുന്നത്. ലക്കിടി കൃഷിഭവനില്‍ നിന്നാണ് നാലുപറ നെല്‍വിത്ത് വാങ്ങിയത്. 63 സെന്റ് വയല്‍ പാട്ടത്തിനെടുത്താണ് കൃഷിയിറക്കുന്നത്.
സീഡ് കോ-ഓര്‍ഡിനേറ്റര്‍ ടി.മുജീബ്, പ്രധാനാധ്യാപിക സി.ജി.ശോഭ, അധ്യാപകരായ പി.രാജേന്ദ്രന്‍, കെ.എസ്. പ്രദീപ്, ആര്‍.എസ്. മോളി, സുബിന, ഒ. ലീലാവതി, ഉണ്ണിക്കൃഷ്ണന്‍ എന്നിവര്‍ നേതൃത്വം നല്‍കി.
അകലൂര്‍ പേരപ്പാടം പാടശേഖരസമിതിയിലെ ഒ. ലീലാവതിയുടെ കൃഷിസ്ഥലത്താണ് സീഡ് ക്ലബ്ബ് വിളയിറക്കിയിട്ടുള്ളത്.