കുട്ടി കര്‍ഷകര്‍ക്ക് മികച്ചവിളവ്
Posted By : pkdadmin On 29th September 2014
വാണിയംകുളം: കുട്ടി കര്‍ഷകരുടെ തോട്ടത്തില്‍ മികച്ചവിളവ് . മാന്നനൂര്‍ എ.യു.പി. സ്‌കൂളിലെ പച്ചക്കറിത്തോട്ടത്തിലാണ് വിദ്യാര്‍ഥികള്‍ നൂറുമേനി വിളവെടുത്തത്.
പഞ്ചായത്തിന്റെയും കൃഷിവകുപ്പിന്റെയും സഹകരണത്തോടെ സ്‌കൂളിലെ സീഡ് ക്ലബ്ബാണ് പച്ചക്കറിക്കൃഷിക്ക് നേതൃത്വം നല്‍കിയത്.
പയര്‍, വെണ്ടക്ക, വഴുതിനിങ്ങ, കയ്പക്ക, വെള്ളരിക്ക, കുമ്പളങ്ങ, പപ്പായ, മത്തങ്ങ, അമരക്ക തുടങ്ങിയവ പച്ചക്കറിത്തോട്ടത്തില്‍ വിദ്യാര്‍ഥികള്‍ കൃഷിചെയ്തതിട്ടുണ്ട്. സ്‌കൂളിലെ ഉച്ചഭക്ഷണത്തിനാവശ്യമായ പച്ചക്കറികളും തോട്ടത്തില്‍നിന്ന് ലഭിക്കും.
വിളവെടുപ്പ് പഞ്ചായത്ത് പ്രസിഡന്റ് കെ.ഭാസ്‌കരന്‍ ഉദ്ഘാടനം ചെയ്തു. ഗീത അധ്യക്ഷയായി. സീഡ് കോ-ഓര്‍ഡിനേറ്റര്‍ പി.രവി പ്രവര്‍ത്തനത്തെക്കുറിച്ച് വിശദീകരിച്ചു. കൃഷി ഓഫീസര്‍ ശരത്, സിജിലേഷ് എന്നിവര്‍ സംസാരിച്ചു.