സീഡ് പ്രവര്‍ത്തകര്‍ മധുരക്കിഴങ്ങ് വിളവെടുത്തു
Posted By : knradmin On 29th September 2014
തലശ്ശേരി: സേക്രഡ് ഹാര്‍ട്ട് ഗേള്‍സ് ഹയര്‍ സെക്കന്‍ഡറി സ്‌കൂള്‍ സീഡ് ക്‌ളബ് മധുരക്കിഴങ്ങ് വിളവെടുപ്പുനടത്തി. മൂന്നുസെന്റ് സ്ഥലത്തുനിന്ന് 50 കിലോയിലധികം വിളവ് ലഭിച്ചു. ഒരുകിലോയിലധികം വലിപ്പമുള്ള കിഴങ്ങുകള്‍ ലഭിച്ചു. സീഡ് കോ ഓര്‍ഡിനേറ്റര്‍ ലിസമ്മ തോമസ്, സിസ്റ്റര്‍ മറിയ ജീന, ബിന്ദുജോയ് എന്നിവരുടെ നേതൃത്വത്തില്‍ ക്‌ളബ്ബംഗങ്ങളായ തീര്‍ഥ മനോജ്, വിസ്മയ കെ., ശ്രീലക്ഷ്മി, ഐശ്വര്യ രഞ്ജിത്ത്, ഈവ മരിയ, നന്ദന കെ., തീര്‍ഥ കെ. എന്നിവരാണ് മധുരക്കിഴങ്ങുവള്ളികള്‍ നട്ടത്. ഈ സ്ഥലത്ത് പച്ചക്കറിക്കൃഷി നടത്താനുള്ള തയ്യാറെടുപ്പിലാണ് സീഡംഗങ്ങള്‍. സീഡ് ക്‌ളബ്ബിന്റെ 120 വാഴകള്‍ വിളവെടുപ്പിനായി തയ്യാറായിക്കഴിഞ്ഞു.