പച്ചക്കറിവിത്ത് വിതരണം ചെയ്തു
Posted By : knradmin On 27th September 2014
കൂത്തുപറമ്പ്: കൃഷിവകുപ്പ് നടപ്പാക്കിയ 'നിറവ്' പദ്ധതിയുടെ ഭാഗമായുള്ള പച്ചക്കറി വിത്ത് വിതരണം സീഡ് ക്ലബ്ബിന്റെ നേതൃത്വത്തില്‍ മുതിയങ്ങ ശങ്കരവിലാസം യു.പി. സ്‌കൂളില്‍ നടന്നു. സ്‌കൂളിലും വീട്ടിലും പച്ചക്കറിത്തോട്ടനിര്‍മാണമാണ് പദ്ധതിയിലൂടെ സീഡ്ക്ലബ്ബംഗങ്ങള്‍ ലക്ഷ്യമിടുന്നത്. വിത്തുവിതരണോദ്ഘാടനം പാട്യം കൃഷി ഓഫീസര്‍ അഖില്‍കുമാര്‍ നിര്‍വഹിച്ചു.
പ്രഥമാധ്യാപകന്റെ ചുമതലയുള്ള സി.പി.സുധാകരന്‍ അധ്യക്ഷത വഹിച്ചു.
സി.കെ.സുധീര്‍ബാബു സ്വാഗതം പറഞ്ഞു. പാട്യം പഞ്ചായത്തിലെ മാതൃകാ കൃഷിത്തോട്ടം സ്‌കൂളില്‍ തുടങ്ങുമെന്ന് കൃഷി ഓഫീസര്‍ അറിയിച്ചു.