നെടുമണ്‍കാവ് ഗവ.യു.പി.സ്‌കൂളില്‍ സീഡിന്റെ കര്‍ഷകദിനാചരണം
Posted By : klmadmin On 26th September 2014
എഴുകോണ്‍: മാതൃഭൂമി സീഡിന്റെ നേതൃത്വത്തില്‍ നെടുമണ്‍കാവ് ഗവ. യു.പി.സ്‌കൂളില്‍ കര്‍ഷകദിനം ആചരിച്ചു. മികച്ച കര്‍ഷകന്‍ ബിനുവിനെ പൊന്നാടയണിയിച്ച് ആദരിച്ചു. കരീപ്ര കൃഷിഭവന്റെ സഹകരണത്തോടെ വിദ്യാര്‍ഥികള്‍ക്ക് പച്ചക്കറിവിത്തുകള്‍ നല്‍കി. ഗ്രാമപ്പഞ്ചായത്ത് അംഗം ഓമനക്കുട്ടന്‍ വിതരണോദ്ഘാടനം നിര്‍വഹിച്ചു. സ്‌കൂള്‍ ലീഡര്‍ അമൃത്‌ലാല്‍ ആദ്യ കിറ്റ് ഏറ്റുവാങ്ങി.
എസ്.എം.സി. ചെയര്‍മാന്‍ മോഹനന്‍ പിള്ള, അപ്പുക്കുട്ടന്‍ പിള്ള, സജീവ്, സ്‌കൂള്‍ ലീഡര്‍ അമൃത്‌ലാല്‍ തുടങ്ങിയവര്‍ സംസാരിച്ചു. ഹെഡ്മിസ്ട്രസ് കെ.ജി.ബീന സ്വാഗതവും സീഡ് കോഓര്‍ഡിനേറ്റര്‍ ജി.ജോണ്‍സണ്‍ നന്ദിയും പറഞ്ഞു.