മണ്‍ചിരാതിന്റെ പ്രഭയില്‍ മംഗള്‍യാന് മംഗളമേകി സീഡ്
Posted By : tcradmin On 25th September 2014
ഇരിങ്ങാലക്കുട: മണ്‍ചിരാതിന്റെ ദീപപ്രഭയില്‍ മംഗള്‍യാന് സീഡ് വിദ്യാര്‍ത്ഥികള്‍ മംഗളമേകി. ഇരിങ്ങാലക്കുട നാഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് വിദ്യാര്‍ത്ഥികളാണ് വ്യത്യസ്തമായ പരിപാടി നടത്തിയത്. ഐ.എസ്.ആര്‍.ഒ. ചെയര്‍മാനും സ്‌കൂളിലെ പൂര്‍വ്വ വിദ്യാര്‍ത്ഥിയുമായ ഡോ. കെ. രാധാകൃഷ്ണനെയും മറ്റ് ഉദ്യോഗസ്ഥരെയും വിദ്യാര്‍ത്ഥികള്‍ അഭിനന്ദിച്ചു.
മാനേജ്‌മെന്റ് പ്രതിനിധി വി.പി.ആര്‍. മേനോന്‍, ഹെഡ്മിസ്ട്രസ് രാജേശ്വരി എ., പ്രിന്‍സിപ്പല്‍ മിനി സി., ജയലക്ഷ്മി കെ. എന്നിവര്‍ സംസാരിച്ചു. സീഡ് കോ-ഓര്‍ഡിനേറ്റര്‍ ഒ.എസ്. ശ്രീജിത്ത്, മരിയ സി.ബി., ശരത് പീറ്റര്‍, ആതിര മേനോന്‍, അമല്‍ദാസ്, കീര്‍ത്തി സി.ബി. തുടങ്ങിയവര്‍ നേതൃത്വം നല്‍കി.