ഗവ. ഫിഷറീസ് സ്‌കൂളില്‍ ട്രീ ചലഞ്ച്
Posted By : tcradmin On 25th September 2014
കടപ്പുറം: പുത്തന്‍ കടപ്പുറം ഗവ. ഫിഷറീസ് യു.പി. സ്‌കൂളില്‍ സീഡ് അംഗങ്ങള്‍ തീരദേശത്ത് ട്രീ ചലഞ്ച് നടത്തി. ചാവക്കാട് സര്‍ക്കിള്‍ ഇന്‍സ്‌പെക്ടര്‍ സിബിച്ചന്‍ ജോസഫ് സ്‌കൂള്‍ അങ്കണത്തില്‍ മരം നട്ടു. തുടര്‍ന്ന് സീഡ് പ്രവര്‍ത്തകര്‍ ചാവക്കാട് സര്‍ക്കിള്‍ ഇന്‍സ്‌പെക്ടര്‍ സിബിച്ചന്‍ ജോസഫിനെ മരം നടാന്‍ വെല്ലുവിളിച്ചു. സീഡ് അംഗങ്ങള്‍ രണ്ടാമത്തെ വെല്ലുവിളിക്കായി ചാവക്കാട് ബിപിഒ കെ.എം. ലൈല ടീച്ചറെയും മൂന്നാമത്തേതിന് പി.ടി.എ. അംഗങ്ങളെയും സ്‌കൂളിലെ മുഴുവന്‍ വിദ്യാര്‍ഥികളെയും തിരഞ്ഞെടുത്തു. വാര്‍ഡ് കൗണ്‍സിലര്‍ പി.കെ. മോഹനന്‍, പി.ടി.എ. പ്രസിഡന്റ് ടി.എം. ഫനീഫ, പ്രധാന അധ്യാപിക കെ.ആര്‍. ഗിതാ ടീച്ചര്‍, സീഡ് കോ- ഓര്‍ഡിനേറ്റര്‍ ഇ.പി. ഷിനുമാസ്റ്റര്‍, മറ്റ് അധ്യാപകരായ പി.വി. പൗലോസ് മാസ്റ്റര്‍, പി.ടി. ശാന്താ ടീച്ചര്‍, സ്റ്റാറി ടീച്ചര്‍ എന്നിവര്‍ നേതൃത്വം നല്‍കി.