വിത്തുവിതരണവും വിളവെടുപ്പും
Posted By : mlpadmin On 25th September 2014
ചുങ്കത്തറ: എല്ലാ വീട്ടിലും അടുക്കളത്തോട്ടം പദ്ധതിയുടെ ഭാഗമായി പള്ളിക്കുത്ത് ഗവ. യു.പി. സ്‌കൂളിലെ വിദ്യാര്‍ഥികള്‍ക്ക് പച്ചക്കറി വിത്തുകള്‍ വിതരണം ചെയ്തു. കഴിഞ്ഞ മൂന്നുവര്‍ഷമായി സീഡ് ക്‌ളബ്ബിന്റെ ആഭിമുഖ്യത്തില്‍ നടത്തുന്ന പദ്ധതിയില്‍ ഓരോ വര്‍ഷവും ഇരുനൂറിലേറെ അടുക്കളത്തോട്ടങ്ങള്‍ ഉണ്ടാകാറുണ്ട്.
ഈ വര്‍ഷത്തെ വിത്തുവിതരണ ഉദ്ഘാടനം ചുങ്കത്തറ പഞ്ചായത്ത് കൃഷി ഓഫീസര്‍ പി. ഷക്കീല നിര്‍വഹിച്ചു.
സ്‌കൂള്‍ വളപ്പിലെ വാഴത്തോട്ടത്തിലെ വിളവെടുപ്പ് ചുങ്കത്തറ ഗ്രാമപ്പഞ്ചായത്ത് പ്രസിഡന്റ് സി.ഡി. സെബാസ്റ്റ്യന്‍ ഉദ്ഘാടനംചെയ്തു. പഞ്ചായത്ത് അംഗം ആര്‍. ഭാസ്‌കരന്‍ അധ്യക്ഷനായി. എം.ടി.എ പ്രസിഡന്റ് ആനി ബിജു, സീഡ് കോഓര്‍ഡിനേറ്റര്‍ ബാലഭാസ്‌കരന്‍ സി.,എന്‍. വിലാസിനി, വി.എ. നജീം, ജോജിഷ്. എ.സി, വര്‍ഗീസ് എബ്രഹാം, പി. അലി, െഹഡ്മാസ്റ്റര്‍, പി.ടി. യോഹന്നാന്‍, സ്റ്റാഫ് സെക്രട്ടറി വി.പി. എല്‍ദോ എന്നിവര്‍ പ്രസംഗിച്ചു.