പാണ്ടനാട് എസ്.വി.എച്ച്.എസ്സിലെ കുട്ടികള്‍ക്ക് എം.എല്‍.എ.യുടെ വെല്ലുവിളി
Posted By : Seed SPOC, Alappuzha On 25th September 2014
ചെങ്ങന്നൂര്‍: പാണ്ടനാട് എസ്.വി.എച്ച്.എസ്സിലെ കുട്ടികളെ മൈ ട്രീ ചലഞ്ചിലൂടെ പി.സി. വിഷ്ണുനാഥ് എം.എല്‍.എ. വെല്ലുവിളിച്ചു. ഓസോണ്‍ദിനത്തിന്റെ ഭാഗമായി ഹരിതം സീഡ്ക്‌ളബ്ബ് സംഘടിപ്പിച്ച പരിപാടിയിലാണ് സംഭവം.
പരിപാടിയുടെ ഭാഗമായി സ്‌കൂള്‍ അങ്കണത്തില്‍ എം.എല്‍.എ. അശോകത്തൈ നട്ടു. പിന്നീട് സ്‌കൂളിലെ മുഴുവന്‍ വിദ്യാര്‍ത്ഥികളെയും പദ്ധതിയില്‍ ഭാഗമാകാന്‍ അദ്ദേഹം വെല്ലുവിളിച്ചു. എം.എല്‍.എ.യുടെ വെല്ലുവിളി സ്വീകരിച്ച കുട്ടികള്‍ ഹരിതം സീഡ്ക്‌ളബ്ബിന്റെ ആഭിമുഖ്യത്തില്‍ വരും ദിവസങ്ങില്‍ വൃക്ഷത്തൈകള്‍ നടും.
സ്‌കൂളില്‍ ഓസോണ്‍ ദിനത്തിന്റെ ഭാഗമായി പോസ്റ്റര്‍പ്രദര്‍ശനം, പ്രഭാഷണം എന്നിവ സീഡ്ക്‌ളബ്ബ് സംഘടിപ്പിച്ചു.
ചടങ്ങിന് സീഡ് കോ ഓര്‍ഡിനേറ്റര്‍ ആര്‍. രാജേഷ്, സീഡ് ഭാരവാഹികളായ ഗായത്രി, പ്രശാന്ത്, റിയ എലിസബത്ത്, ഗോപുകൃഷ്ണന്‍ എന്നിവര്‍ നേതൃത്വം നല്കി.
സ്‌കൂള്‍ പ്രിന്‍സിപ്പല്‍ അംബികാകുമാരി, ഇംഗ്‌ളീഷ്മീഡിയം പ്രിന്‍സിപ്പല്‍ കെ. തങ്കപ്പനാചാരി, സ്‌കൂള്‍ മാനേജര്‍ വി.എസ്. ഉണ്ണികൃഷ്ണപിള്ള, പി.എസ്. ഗോപിനാഥപിള്ള, ജി. കൃഷ്ണകുമാര്‍, കെ. സുരേഷ് , ബി. ധന്യ, ഡി. സജീവ്കുമാര്‍ തുടങ്ങിയവര്‍ പങ്കെടുത്തു.
ഹരിതം സീഡ്ക്‌ളബ്ബ് സംഘടിപ്പിച്ച മൈ ട്രീ ചലഞ്ചിന്റെ ഭാഗമായി പി.സി.വിഷ്ണുനാഥ് എം.എല്‍.എ. അശോകത്തൈ നടുന്നു