'101 തെങ്ങിന്‍തൈകള്‍'പദ്ധതിയുമായി കൈതപ്പൊയില്‍ മര്‍ക്കസ് സ്‌കൂള്‍
Posted By : admin On 17th September 2014
_1724.JPG)
കൈതപ്പൊയില്‍: മാതൃഭൂമി സീഡ് പദ്ധതിയുടെ ഭാഗമായി 101 നാളികേര തൈകള്‍ നട്ട് കൈതപ്പൊയില്‍ മര്‍ക്കസ് സ്‌കൂള്‍ മാതൃകയാവുന്നു. കുട്ടികളില്‍ തെങ്ങിനെക്കുറിച്ചുള്ള അറിവും താത്പര്യവും വളര്‍ത്തുക എന്ന ഉദ്ദേശ്യത്തോടെയാണ് സീഡ് ക്ലൂബ്ബിന്റെ ആഭിമുഖ്യത്തില്‍ പദ്ധതി ആവിഷ്‌കരിച്ചത്. പദ്ധതിയുടെ ഉദ്ഘാടനം തൈ നട്ടുകൊണ്ട് സ്‌കൂള്‍ മാനേജര്‍ വി.എം. റഷീദ് സഖാഫിയും പ്രിന്‍സിപ്പല്‍ അബ്ദുള്‍കലാമും ചേര്‍ന്ന് നിര്‍വഹിച്ചു. ചടങ്ങില്‍ പങ്കെടുത്ത ഓരോ കുട്ടികളും തങ്ങളുടെ വീടുകളില്‍ രണ്ടുവീതം തെങ്ങിന്‍തൈകള്‍ നട്ടുപിടിപ്പിക്കുമെന്ന് പ്രതിജ്ഞ ചെയ്തു.
സീഡ് കോ-ഓഡിനേറ്റര്‍ ഷക്കീര്‍, ക്ലൂബ്ബ് കണ്‍വീനര്‍മാരായ സുസ്മിത, ദിവ്യ സി.പി. എന്നിവര്‍ സംസാരിച്ചു.