അധ്യാപകദിനത്തില് മുതിര്ന്ന അധ്യാപകര്ക്ക് അക്ഷരദീപം തെളിച്ച് ആദരം

ചെങ്ങന്നൂര്: പാണ്ടനാട് സ്വാമി വിവേകാനന്ദ ഹൈസ്‌കൂളിലെ അധ്യാപകര് മുതിര്ന്ന അധ്യാപകരെ അക്ഷരദീപം തെളിച്ച് ആദരിച്ചു. റിട്ട: ഹെഡ്മാസ്റ്റര്മാരായ കെ.പി. കൃഷ്ണന് നായര്, എം.എസ്. ഗോപാലകൃഷ്ണപിള്ള എന്നിവരെയാണ് അധ്യാപകദിനത്തില് ആദരിച്ചത്.
സ്‌കൂളിലെ സീഡ് ഭാരവാഹികളുടെ യോഗത്തിലാണ് പരിപാടിയുടെ ആശയം രൂപപ്പെട്ടത്. കാര്യങ്ങള് തീരുമാനിച്ചതും നടപ്പാക്കിയതുമെല്ലാം കുട്ടികള്. സീഡ് കോഓര്‍ഡിനേറ്റര്‍ ആര്‍. രാജേഷ്, ഭാരവാഹികളായ ഗോപു കൃഷ്ണന്, റിയ എലിസബത്ത്, ഗായത്രി, പ്രശാന്ത് എന്നിവര് നേതൃത്വം നല്‍കി.
സ്‌കൂള് മാനേജര് വി.എസ്. ഉണ്ണിക്കൃഷ്ണപിള്ള ചടങ്ങ് ഉദ്ഘാടനം ചെയ്തു.
പി.ടി.എ. പ്രസിഡന്റ് എ.വി. ശിവദാസ് അധ്യക്ഷനായിരുന്നു. പ്രിന്‌സിപ്പല് എം.സി. അംബികാകുമാരി മുതിര്ന്ന അധ്യാപകരെ പൊന്നാടയണിയിച്ച് ആദരിച്ചു. സ്‌കൂള് ട്രസ്റ്റ് അംഗങ്ങളായ പി.എസ്. ഗോപിനാഥപിള്ള, പി.എസ്. മോഹന് കുമാര് എന്നിവര് ചേര്ന്ന് കുട്ടികള് സമാഹരിച്ച പുസ്തകങ്ങള് അധ്യാപകര്ക്ക് സമ്മാനിച്ചു. പായസവിതരണത്തോടെ ചടങ്ങുകള് സമാപിച്ചു.