മദ്യത്തിനെതിരെ ബോധവത്കരണം തുടങ്ങി

അമ്പലപ്പുഴ: ഓണദിനങ്ങളില് മദ്യപിക്കരുതെന്ന സന്ദേശവുമായി നീര്ക്കുന്നം എസ്.ഡി.വി. സര്ക്കാര് സ്കൂളിലെ കുട്ടികള് ബോധവത്ക്കരണം തുടങ്ങി.
കുട്ടികളുടെ ലഹരിവിരുദ്ധ സേവനസന്നദ്ധ സംഘടനയായ തണലിന്റെ നേതൃത്വത്തില് രക്ഷിതാക്കള്ക്കിടയിലും അമ്പലപ്പുഴ വടക്ക് ഗ്രാമപ്പഞ്ചായത്തിലെ 17-ാം വാര്ഡിലുമാണ് ബോധവത്ക്കരണം. പ്രഥമാധ്യാപിക എന്.കെ. പ്രസന്നകുമാരി, എസ്.എം.സി. ചെയര്മാന് യു. രാജുമോന്, സ്കൂള് പ്രധാനമന്ത്രി ആര്. സംഗീത, തണല് കണ്വീനര്മാരായ വൈഷ്ണവി, അന്വര്ഷാ, സിനിമോള്, ലക്ഷ്മി, പ്രണവ് എന്നിവരുടെ നേതൃത്വത്തിലാണ് പരിപാടി.