വിദ്യാര്‍ഥികള്‍ സ്‌നേഹനികേതനില്‍ ഓണം ആഘോഷിച്ചു
Posted By : knradmin On 10th September 2014
കൂത്തുപറമ്പ്: കൂത്തുപറമ്പ് ഹൈസ്‌കൂളിലെ കൊച്ചുകര്‍ഷകര്‍ സ്‌കൂള്‍വളപ്പില്‍ വിളയിച്ച പച്ചക്കറികളുമായി പാലാപ്പറമ്പിലെ സ്‌നേഹനികേതനിലെത്തി ഓണം ആഘോഷിച്ചു. സ്‌കൂള്‍ പി.ടി.എ. അംഗങ്ങള്‍ അന്തേവാസികള്‍ക്ക് ഓണക്കോടി നല്കി. അവര്‍ പാട്ടുപാടുകയും കഥപറയുകയും അന്തേവാസികള്‍ക്കൊപ്പം സദ്യയുണ്ണുകയും ചെയ്തു.
സ്‌നേഹസംഗമം പ്രഥമാധ്യാപിക പി.കെ.ചന്ദ്രമതി ഉദ്ഘാടനം ചെയ്തു. വി.വി.ദിവാകരന്‍ അധ്യക്ഷത വഹിച്ചു. എസ്.ആര്‍.ശ്രീജിത്ത്, സിസ്റ്റര്‍ എല്‍സീന, ദീപക് കുമാര്‍, എ.കെ.ബിജുള, ജ്യോതി, സ്മിത കോട്ടായി തുടങ്ങിയവര്‍ സംസാരിച്ചു. സ്വീറ്റി സുന്ദര്‍ സ്വാഗതവും ജിബിന്‍ രാജ് നന്ദിയും പറഞ്ഞു.