തുമ്പപ്പൂവേ, നിനക്കുവേണ്ടി...

തിരുവേഗപ്പുറ: ചെമ്പ്ര സി.യു.പി. സ്കൂളിൽ തുമ്പപ്പൂവിന് മാത്രമായി പൂന്തോട്ടം ഒരുക്കുന്നു. സ്കൂളിലെ സീഡ് കുട്ടിക്കൂട്ടത്തിന്റെ നേതൃത്വത്തിലാണ് ഓണാഘോഷത്തിന്റെ ഭാഗമായി പൂന്തോട്ടം നിർമിക്കുന്നത്.
ഗൃഹാതുരത്വം ഉണർത്തുന്ന ഓണനാളുകളിലെ തുമ്പപ്പൂവിന്റെ പ്രസക്തി തിരിച്ചറിഞ്ഞുകൊണ്ടാണ് സീഡ് പ്രവർത്തകർ ഇൗ ഒരു  പ്രവർത്തനത്തിന് രംഗത്തിറങ്ങിയത്. ഇന്ന് നാട്ടിൻപുറങ്ങളിൽനിന്നുപോലും തുമ്പപ്പൂവ് അന്യമാവുകയാണ്. ഈ സാഹചര്യത്തിലാണ് തുമ്പച്ചെടി പരിപാലനത്തിന് കുട്ടികൾ രംഗത്തുവന്നത്.
പ്രധാനാധ്യാപിക വി.പി. ഉഷാദേവി തുമ്പച്ചെടി നട്ടുകൊണ്ട് പൂന്തോട്ടനിർമാണത്തിന്റെ ഉദ്ഘാടനം നിർവഹിച്ചു. സീഡ് കോ-ഓർഡിനേറ്റർ അരുൺ, ജവഹർ, സുവാദ് എന്നിവർ പങ്കെടുത്തു.