സീഡ് അംഗങ്ങള്‍ക്ക് പ്രബന്ധരചനാമത്സരം
Posted By : knradmin On 9th September 2014
കണ്ണൂര്‍: മാതൃഭൂമി സീഡ് അംഗങ്ങള്‍ക്ക് പ്രബന്ധരചനാമത്സരം സംഘടിപ്പിക്കുന്നു. ലയണ്‍ ഡിസ്ട്രിക്ട് 318 ഇയും കണ്ണൂര്‍ കൃഷ്ണമേനോന്‍ സ്മാരക വനിതാ കോളേജ് എന്‍.എസ്.എസ്. യൂണിറ്റും ചേര്‍ന്നാണ് മത്സരം സംഘടിപ്പിക്കുന്നത്. കോളേജില്‍ 20ന് നടക്കുന്ന ജൈവകൃഷി ഉദ്ഘാടനത്തിന്റെ ഭാഗമായാണ് മത്സരം നടത്തുന്നതെന്ന് ഡോ. ഒ.സൂര്യനാരായണന്, എന്‍.എസ്.എസ്. പ്രോഗ്രാം ഓഫീസര്‍മാരായ ജോബി, ഉഷ എന്നിവര് അറിയിച്ചു.
'പരിസ്ഥിതിയും മനുഷ്യന്റെ ഭാവിയും' എന്നതാണ് മത്സരവിഷയം. 500 വാക്കില്‍ കവിയാതെ പ്രബന്ധം സ്വന്തം കൈപ്പടയിലെഴുതണം. വിദ്യാലയമേധാവിയുടെ സാക്ഷ്യപത്രത്തോടൊപ്പം അടുത്തുള്ള മാതൃഭൂമി ഓഫീസില്‍ രചനകള്‍ എത്തിക്കണം. രചനകള്‍ എത്തിക്കേണ്ട അവസാനതീയതി സപ്തംബര്‍ 12. ഒന്നും രണ്ടും സ്ഥാനം നേടുന്നവര്‍ക്ക് സമ്മാനം നല്‍കും.