പയ്യനെടം സ്‌കൂളില്‍ 'എന്റെ ഭക്ഷണം എന്റെ തോട്ടത്തില്‍നിന്ന് '
Posted By : pkdadmin On 5th September 2014
പയ്യനെടം: 'എന്റെ ഭക്ഷണം എന്റെ തോട്ടത്തില്‍നിന്ന്' എന്ന സന്ദേശം മുന്‍നിര്‍ത്തി വിദ്യാലയത്തിലെ മുഴുവന്‍ കുട്ടികള്‍ക്കും സ്വന്തമായി പച്ചക്കറിത്തോട്ടം നിര്‍മിക്കാനാവശ്യമായ വിത്തുകള്‍ വിതരണം ചെയ്ത് പയ്യനെടം യു.പി. സ്‌കൂള്‍ മാതൃകയായി.
വീടുകളില്‍ പച്ചക്കറിത്തോട്ടം നിര്‍മിക്കാനാവശ്യമായ പരിശീലനവും വിദ്യാലയത്തില്‍ നല്‍കി. സ്‌കൂളിലെ മാതൃഭൂമി സീഡ് ക്ലബ്ബിന്റെ ആഭിമുഖ്യത്തില്‍ സംസ്ഥാന വിത്തുവികസന അതോറിറ്റിയുമായി സഹകരിച്ചാണ് വിവിധ പച്ചക്കറിവിത്തുകള്‍ വിദ്യാര്‍ഥികള്‍ക്ക് വിതരണം ചെയ്തത്. ഹെഡ്മിസ്ട്രസ് കെ.എ. രാധിക വിത്ത് വിതരണോദ്ഘാടനം നിര്‍വഹിച്ചു.
ചടങ്ങില്‍ ആര്‍. ജയമോഹന്‍ അധ്യക്ഷത വഹിച്ചു. സീഡ് കോ ഓര്‍ഡിനേറ്റര്‍ മഠത്തൊടി ഹംസ, ടി.കെ. ഷുക്കൂര്‍, പ്രേംകുമാര്‍ എന്നിവര്‍ പ്രസംഗിച്ചു.