റോഡ് സുരക്ഷാ ബോധവത്കരണവുമായി സീഡ് അംഗങ്ങള്‍
Posted By : mlpadmin On 2nd September 2014
പുലാമന്തോള്‍: ചെമ്മല എ.യു.പി. സ്‌കൂള്‍ വിദ്യാര്‍ത്ഥികള്‍ റോഡ് സുരക്ഷാ ബോധവത്കരണം നടത്തി. കുളത്തൂര്‍ എ.എസ്.ഐ. തങ്കച്ചന്‍ പരിപാടി ഉദ്ഘാടനം ചെയ്തു. പ്രധാന അധ്യാപകന്‍ കെ. വിജയന്‍ അദ്ധ്യക്ഷത വഹിച്ചു. അര്‍ജ്ജുന്‍, എന്‍. മജീബ് റഹ്മാന്‍, മറിയംഷിഹ, ശ്രീഷ്മ, കെ. യതീന്ദ്രദാസ് എന്നിവര്‍ പ്രസംഗിച്ചു. വിദ്യാര്‍ത്ഥികള്‍ റോഡ് സുരക്ഷ പ്രതിജ്ഞ ചൊല്ലി. ബോധവല്‍ക്കരണ ജാഥ ചെമ്മലശ്ശേരി രണ്ടാംമൈല്‍ അങ്ങാടിയില്‍ വാഹനങ്ങള്‍ക്ക് ലഘുലേഖയും നിയമം അനുസരിക്കാതെ വരുന്നവരെ ബോധവല്‍ക്കരിച്ച് മിഠായിയും വിതരണം ചെയ്തു. സീഡ് കോഓര്‍ഡിനേറ്റര്‍ രാജേഷ് നേതൃത്വം നല്‍കി.