കടലാവിള കാര്‍മല്‍ സ്‌കൂളില്‍ സീഡ് പ്രവര്‍ത്തനോദ്ഘാടനം
Posted By : klmadmin On 31st August 2014
കൊട്ടാരക്കര: കടലാവിള കാര്‍മല്‍ റസിഡന്‍ഷ്യല്‍ സീനിയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ് പദ്ധതിയുടെ പ്രവര്‍ത്തനോദ്ഘാടനം വിദ്യാര്‍ഥികള്‍ക്ക് പച്ചക്കറിവിത്ത് വിതരണംചെയ്ത് കൊട്ടാരക്കര ബ്ലോക്ക് പഞ്ചായത്ത് സ്ഥിരംസമിതി അധ്യക്ഷ ആര്‍.എസ്.അമ്പിളി നിര്‍വഹിച്ചു. പി.ടി.എ. പ്രസിഡന്റ് സി.അനില്‍കുമാര്‍ അധ്യക്ഷനായി.
സ്‌കൂള്‍ മാനേജ്‌മെന്റ് പ്രതിനിധി ഡോ. ഡി.ശശിധരന്‍ കാര്‍ഷിക സംസ്‌കാരത്തിന്റെ മഹത്വത്തെക്കുറിച്ച് സംസാരിച്ചു. പ്രിന്‍സിപ്പല്‍ സി.എ.ബീന, പ്രഥമാധ്യാപിക എം.എല്‍.ജയശ്രീ, സീഡ് കോഓര്‍ഡിനേറ്റര്‍ ആര്‍.സിന്ധു, അധ്യാപകരായ അരുണ്‍കുമാര്‍, അനൂപ്, ശ്രീലാല്‍, സുരേഷ്‌കുമാര്‍, വന്ദന, രമ്യ, രഞ്ജു, അനില ബേബി എന്നിവര്‍ ചടങ്ങിന് നേതൃത്വം നല്‍കി.