സ്‌കൂളില്‍ പൈപ്പ്കമ്പോസ്റ്റിങ് പദ്ധതിയുമായി സീഡ് ക്ലബ്ബ്
Posted By : knradmin On 30th August 2014
ചക്കരക്കല്‍: ജൈവാവശിഷ്ഠങ്ങള്‍ കമ്പോസ്റ്റ്വളമാക്കി കൃഷിക്കുപയുക്തമാക്കാനും സ്‌കൂള്‍പരിസരം ശുചിത്വമുള്ളതാക്കാനും ലക്ഷ്യമിട്ട് മൗവ്വഞ്ചേരി യു.പി.സ്‌കൂളില്‍ സീഡ് ക്ലബ്ബ് അംഗങ്ങള്‍ പൈപ്പ് കമ്പോസ്റ്റിങ് പദ്ധതി തുടങ്ങി.
ഇതിന്റെ ഭാഗമായി പത്ത് പൈപ്പുകളാണ് സ്ഥാപിക്കുന്നത്.
പ്രഥമാധ്യാപകന്‍ കെ.കെ.ബഷീര്‍ ഉദ്ഘാടനംചെയ്തു. സീഡ് കോഓര്‍ഡിനേറ്റര്‍ കെ.വിനോദന്‍ അധ്യക്ഷതവഹിച്ചു. പി.ടി.എ. പ്രസിഡന്റ് എം.വി.അനില്‍കുമാര്‍, എം.സി.പ്രകാശന്‍ എന്നിവര്‍ സംസാരിച്ചു.
സീഡ് ഭാരവാഹികളായ സുഹൈല്‍, അഭിജിത്ത്, സഹല്‍ എന്നിവര്‍ നേതൃത്വം നല്‍കി.